Пĕрле тунă ĕç тухăçлă

Хальхи вăхăтра вара, июнь уйăхĕн 5-15-мĕшĕсенче, кирек мĕнле кăларăма та йÿнерех хакпа çырăнса илмелли вунăкунлăх пырать. Çав шутра «Урал сассине» те. Ăна çур çула 489 тенкĕ те 66 пуспа çырăнса илме пулать. Хаçат идексĕ – П2754.
Çырăнтару кампанийĕ пирки сăмах хускатнă май йăлана кĕнĕ лотерея вылявĕ çинчен те пĕр-ик сăмах каласа хăвармалла. Вăл хальхинче те иртĕ. Çавăнпа та сирĕн çырăнтару квитанци копине редакцие ярса памалла: е çырупа, е электронлă адреспа. Тепĕр мел те пур. Ку вăл 8-963-146-44-44 телефон номерĕпе ватсап урлă. Хаклă туссем, сиртен квитанцисем кĕтетпĕр. Выляв парнисене сăн ÿкерчĕкре курма пулать. Тархасшăн, хăвăрăн телей шăпине тĕрĕслесе пăхма васкăр. Чи пысăк парне çунă япала-тумтире çакса типĕтмелли хатĕр пулать, унсăр пуçне тата 10 ытла япала выляттаратпăр.
Вулакансене çырăнтарăвăн юлашки кăтартăвĕсемпе те паллаштарасшăн. Ăна пире Раççей почтин Пушкăртстанри управленийĕ ярса панă. Кăтартусене май уйăхĕн 31-мĕшĕ тĕлне илсе кăтартнă. Цифрăсен пĕрремĕш юпинче – кăçалхи, тепринче иртнĕ çулхи çав вăхăтрипе паллашма пулать.       

Асăрхаттарни, Мияки районĕпе кăтарту иккĕлентерет.
Лару-тăрупа паллаштарнă май вырăнсенче чăваш хастарĕсене пире пулăшма ыйтасшăн. Пĕрле тунă ĕç яланах тухăçлă пуласса шанатпăр. Çак ĕçре пире вунăкунлăх акцийĕ те пулăшĕ.
«Урал сасси» хаçат редакцийĕ.