УРАЛ САССИНЕ – 35 ÇУЛ

Астӑватпӑр-ха, епле пуҫларӑн
Сассуна пама «Урал сасси».
(Ун чух хура-шурӑ тӗспеле ҫеҫ
Алӑнатчӗ сан ҫыру пусси...).

Паянхи пекех эс пурпӗр хаклӑччӗ,
Чун пекех кӗтеттӗмӗр сана...
Вӑтӑр пилӗк ҫул унтанпа иртрӗ,
Пухрӑн вӑтӑр пилӗк ҫул «мулна»!

Ҫавӑ «мул» ҫӳпҫийӗнче - истори,
Халӑхун кун-ҫулӗ те сасси!
Ҫыхӑнтарчӗ сан ҫыру пуссийӗ
Пӗтӗм чӑваша «Урал сасси».

Малалла та пуссуна алар-ха
Ывӑнмасӑр, шанчӑклӑн пӗрле!
Тымарсен чӗлхийӗн сассипе ҫеҫ,
Тӗнчене янраттарса ӗҫлер!

Эс паян пӗрлештерсе тӑратӑн
Тӑван халӑхна тӑван хаҫат.
Малалла та ҫапларах çап-ҫуттӑн,
Шанчӑк ҫутипе ҫула ҫутат.

Тав сана, хаçатăм, пурришӗн,
Эсӗ пире ертсе пынӑшӑн ҫапла!
Вӑтӑр пилӗк ҫул сасна панишӗн
Тӑван халӑхушӑн чӑвашла!

Эс пулсассӑн - пулӗ тӑван халӑх,
Эс те пулӑн - халӑху пулсан!
Ҫыхӑннӑ санпа пирӗн, малашлӑх,
Пирӗн пӗр ҫул, пӗр шӑпа ялан!
Зинаида СУРПАН.
Федоровка районĕ.