Концертсене çитсе курăр

Артистсем пулас концертсене Алексей Московский чăваш халăхне сцена çинчен савăнтарма пуçланăранпа 20 çул çитнине халалланă. Çак сăлтавпах вĕсем çĕнĕ программа хатĕрленĕ, çĕнĕ юрăсем çырнă. Унсăр пуçне эстрада çăлтăрĕсемпе пĕрле пултаруллă купăсçă Данила Зайцев та килсе çитĕ. Артистсем чăвашсем пултаруллă та мăнаçлă халăх пулнине çирĕплетсе парĕç. Çавăн пекех юрăçсем чăвашсене Раççейĕн ытти халăхĕсемпе пĕрле Тăван çĕршыва юратма, сыхлама чĕнсе юрлĕç. Халĕ сире гастроль маршручĕпе тепĕр хут паллашма сĕнетпĕр:
Ноябрь уйăхĕн 22-мĕшĕ – Пишпÿлек сали;
23-мĕшĕ – Кармаскалă районĕ, Тинĕскÿл ялĕ;
24-мĕшĕ – Çтерлĕ хули;
25-мĕшĕ – Ĕпхÿ хули;
26-мĕшĕ – Авăркас районĕ, Толбазă сали;
27-мĕшĕ – Мияки сали;
28-мĕшĕ – Шаран сали;
29-мĕшĕ – Чекмагуш районĕ, Юмаш ялĕ;
30-мĕшĕ – Октябрьски хули;
Декабрь уйăхĕн 1-мĕшĕ – Пелепей хули.
Билетсене Культура керменĕсенче тата Тикетформ оператор сайчĕ урлă туянма пулать. Хаклă вулакансем, концертсене пырса курăр!
Ирида НОВИКОВА.