«Çулталăкри çамрăк ученăй» преми çирĕплетнĕ

Ăна çут çанталăкпа унăн пулăмĕсене тĕпчекен, техника тата гуманитари облаçĕсенчи инновацисемпе хатĕрсемшĕн парĕç. Кун пирки регионти правительствăн республикăна ертсе пымалли Управлени центрĕнче иртнĕ оперативлă канашлура пĕлтернĕ.
– Эпир çулсерен паракан çичĕ преми çирĕплететпĕр. Кашни 150-пиншер тенкĕлĕх пулĕç. Ку – республикăри наукăна аталантарас ĕçе хывнă черетлĕ утăм пулĕ, – тенĕ Радий Хабиров.
Сăмах май, çакна та палăртса хăвармалла, Пушкăртстанри аспирантсем РФ Президенчĕн стипендине илме заявка пама пултараççĕ. Çÿлерех асăннă мерăсем çамрăк ăсчахсене пысăк хавхаланупа ĕçлеме пулăшĕ.
Надежда РОДИОНОВА.