Чăваш халăхĕн пултаруллă ывăлĕсемпе хĕрĕсем!

Истори кустăрми малаллах шăвать. Хамăрпа пĕр шухăшлисене çакна каласшăн: паянхи кун кашниех чăвашлăха упраса хăварас ĕçре хăйĕнчен мĕн килнине тумалла. «Урал сасси» вăл – информаци çăлкуçĕ çеç мар, пирĕн ĕçре коллективлă йĕркелÿçĕ тата пысăк пулăшуçă та. Пирĕн «Халăхсен хĕрлĕ кĕнекине» лекмелле мар. Республикăра пурăнакансене пурне те тăнăçлăх, хавхалануллă кăмăл-туйăм, ыранхи куна шанчăкпа кĕтсе илме, кил-йышра ырлăх тата ăнăçу сунатпăр.
Юрий МИХАЙЛОВ, ПР чăваш культура обществин председателĕ.