Халăх поэчĕ асра

Александр Павлович Филиппов (1932-2011çç.) - поэт, писатель, куçаруçă. Вăл Пушкăртстанри Кугарчă районĕнчи Юмагузин ялĕнче 1932 çулхи ноябрь уйăхĕн 7-мĕшĕнче çуралнă. Пушкăрт Республикин Халăх поэчĕ, Салават Юлаев орденĕн кавалерĕ. Вăл “Истоки” хаçата йĕркелесе яраканĕ тата 1991-2011 çулсенче унăн тĕп редакторĕ пулнă. 1968 çултанпа Пушкăртстан Çыравçисен союзĕн правленийĕнче вырăс писателĕсен секцине ертсе пынă. 1998 çултан пуçласа 2011 çулччен “Бельские просторы” журналăн редколлеги членĕ пулнă. Вăл - 30 кӗнеке авторӗ. 1965 çулта А.Филиппов сценарийĕпе «Пушкăрт пылĕ» фильм ÿкернĕ. Асăннă ĕç Бухарестра иртнĕ Пĕтĕм тĕнчери конкурсра пĕрремĕш премие тивĕçнĕ. Иртнĕ çул ноябрь уйăхĕнче (поэтăн çуралнă кунĕ умĕн) тăван Юмагузин ялĕнче унăн бюстне уçнă.