Вăй пĕлÿре кăна мар, чĕрере те пулмалла

Пелепей районĕнчи Ярмулай ялĕнчи шкулта 7-мĕш класра вĕренекен Артем Швырков госпитальсемпе çар çыннисене, çар хирĕç тăрăвĕсен участникĕсемпе ветеранĕсене тата вĕсен çемйисене пулăшакан «Берегиня» волонтер ĕç-хĕлне хастар хутшăннăшăн, гуманитари пулăшăвĕ пухас ĕçе пысăк тÿпе хывнăшăн награда илме тивĕçнĕ.

Çак кунсенче арçын ачана Хисеп хучĕпе чысланă.

Артем паттăрлăхăн, хĕрхенĕвĕн тата яваплăхăн чăн-чăн тĕслĕхĕ пулса тăнă. Пĕр ял çыннисем çамрăка ырă чĕреллĕ пулнишĕн тав тăваççĕ. Малашне те тĕнчене ырă енне улăштарма вăй-хал сунаççĕ.

Пелепей районĕ, Ярмулай ялĕ.