Пур хыпар та
Аслă ăру
11 Мартӑн 2020, 13:23

Василиса Петровна – халăх сăмахлăхĕн арчи

Куюргазă районĕнне кĕрекен Кривле-Илюшке ялĕнчи «Çеçпĕл» фольклор ансамблĕн хастарĕ, вăрçă тата ĕç ветеранĕ Василиса Петровна Петрова çак кунсенче 92 çул тултарчĕ.

Çулĕсене пăхмасăр вăл хавхаланчăк кăмăллă, савăнăçлă, хăш-пĕр çамрăкран та ирттерет. Василиса кинемине чăваш халăх сăмахлăхĕн арчи теме те юрать. Мĕн чухлĕ юрă-сăвă, такмак пĕлет вăл. Савăнăçлисене те, хурлăхлисене те шăрантарать. Такмаксем тесен вĕсен шучĕ те çук пуль. Вăл пур юрă сăмахĕсене те, кĕввисене те ас тăвать. «Çеçпĕл» ансамблĕн çамрăк хастарĕсем сумлă ватăран час-часах пулăшу ыйтаççĕ. Василиса Петровна куншăн савăнать çеç. Пултарулăх ушкăнĕн хастарĕсем хăйсене малашне те хавахалантарса пыма ăна ăна çирĕп сывлăх, вăрăм ĕмĕр сунаççĕ.
Валентина МАКАРОВА.
Куюргазă районĕ,
Кривле-Илюшке ялĕ.