Урал сасси
+1 °С
Пӗлӗтлӗ
Пур хыпар та
Аслă ăру
23 Майӑн 2023, 12:21

Ярмулайĕнче çемье хаклăхĕсене ăша хывма вĕрентнĕ

Пĕтĕм тĕнчери çемье кунне кашни çулах май уйăхĕн 15-мĕшĕнче паллă тăваççĕ. Çын пурнăçĕ, вăл епле пуласси – пурте çемьерен пуçланать. Çемье вăл – çывăх та хаклă çынсем. Эпир вĕсене питĕ юрататпăр, ырлăхпа телей сунатпăр. Шăп та лăп çемьере эпир юратма, пĕр-пĕрне тимлĕх уйăрма, хисеплеме вĕренетпĕр.

Ярмулайĕнче çемье хаклăхĕсене  ăша хывма вĕрентнĕ
Ярмулайĕнче çемье хаклăхĕсене ăша хывма вĕрентнĕ

Çемье кунĕ умĕн Ярмулайĕнчи культура çуртĕнче ăшă та туслă лару-тăрура «Манăн çемье – манăн савăнăç» уяв программи иртрĕ. Нумай çул хушши юратупа килĕшÿре пурăнакан Наталья Анатольевнăпа Вячеслав Федорович Гордеевсен, Галина Власовнăпа Александр Еремеевич Михайловсен çемйисем уявăн хисеплĕ хăнисем пулса тăчĕç. Çамрăк ăру вара вĕсене тимлĕ итлерĕ, аслисене вăйăсенче алă çупса хавхалантарчĕ.
Мероприяти вăхăтĕнче сумлă мăшăрсем телейлĕ çемье пурнăçĕн вăрттăнлăхĕсемпе, хаклăхĕсемпе паллаштарчĕç. Тĕрлĕ конкурссене хутшăнса килĕшÿлĕхе, пĕр-пĕрне юратнине, хисепленине кăтартса пачĕç.
Уяв программи хаваслă та илемлĕ иртрĕ. Вăл интереслĕ çеç мар, пĕлÿ енчен те усăллă пулчĕ: хавхалануллă кăмăл-туйăм туяннипе пĕрлех куракансен чунĕнче çывăх çыннисене тата та ытларах юратупа тимлĕх уйăрас ĕмĕт çуралчĕ. Пирĕн çамрăк куракансен чĕринче те «телей вăл – туслă та шанчăклă, çирĕп çемье» текен шухăш çирĕпленсе ларасса шанатпăр.
Ирина ВАСИЛЬЕВА.
Пелепей районĕ,
Ярмулай ялĕ.

Ярмулайĕнче çемье хаклăхĕсене  ăша хывма вĕрентнĕ
Ярмулайĕнче çемье хаклăхĕсене  ăша хывма вĕрентнĕ
Ярмулайĕнче çемье хаклăхĕсене  ăша хывма вĕрентнĕ
Ярмулайĕнче çемье хаклăхĕсене  ăша хывма вĕрентнĕ
Ярмулайĕнче çемье хаклăхĕсене ăша хывма вĕрентнĕ
Автор:Надежда Родионова 
Читайте нас: