Валентина Федорова, Ермеккей районĕ.

Хамăн тăван киле юрататăп, вăл хитререх пултăр тесе чечексем ÿстеретĕп. Халĕ тивĕçлĕ канура пулнă май ял пурнăçĕпе киленсе пурăнатăп, çулла кăмпана, çырлана çÿретĕп, хĕлле валли варени, салат, компотсем хупатăп. Автомашина çÿрететĕп, сусăр упăшкана пăхатăп. Хĕлле тĕрĕ тĕрлетĕп, алмаз мозайкинчен картинăсем пуçтаратăп. Вырăнти «Мерчен» ансамбле юрлама çÿретĕп, ушкăнпа район, республика шайĕнчи мероприятисене хутшăнатпăр. Тунсăхласа ларма, ватăлма вăхăт пачах та çук.