Кĕçтенттин Иванова шурă Шупашкарта чысланă

Ĕнер, май уйăхĕн 27-мĕшĕнче, Шупашкарти Хĕрлĕ лапамра, К.В. Иванов ячĕллĕ чăваш патшалăх академи драма театрĕ умĕнче чăваш литература классикне Кĕçтенттин Иванова асра тытса, вăл çуралнă кун, унăн палăкĕ умне чĕрĕ чечексем хунă. Мероприятие вилĕмсĕр «Нарспи» поэма авторĕ 135 çул тултарнине халалланă.

Юбилейпа çыхăннă уяв мешеххине Чăваш Ен Пуçлăхĕ Олег Николаев, ЧР культура, национальноçсен ĕçĕсен тата архив ĕçĕн министрĕ Светлана Каликова, влаç органĕн представителĕсем, общество хастарĕсем, культура тата ÿнер ĕçченĕсем, çыравçăсемпе журналистсем хутшăннă.

Пухăннисем паллă чăваш поэчĕ çинче чылай ăшă та кăмăллă сăмахсем каланă, вăл наци литературине аталантарас ĕçре пысăк тÿпе хывнине çирĕплетнĕ. Унсăр пуçне вĕсем Кĕçтенттин Ивановăн пултарулăхĕ Чăваш Енĕн, çавăн пекех Раççей çĕршывĕн культура еткерлĕхĕ пулса тăнине палăртнă.

Юрий СНЕГОПАД.