Урал сасси
+27 °С
Уҫҫӑнах
Пур хыпар та
Аталану
18 Августӑн 2021, 11:12

Тутанма юракан сăрă

Пур ача та ÿкерме кăмăллать. Хальхи вăхăтра тин ларма вĕреннĕ пепкене те киçтĕкпе сăрă тыттараççĕ. Анчах сăрă ача сывлăхĕшĕн хăрушсăр-и? Пĕчĕкскер ăна хыпма та пултарать-çке. Эппин, тутанма юракан сăрă хатĕрлемелле.

Тутанма юракан сăрă
Тутанма юракан сăрă

2 стакан кукурус крахмалĕ, 1 стакан сивĕ шыв, 4,5 стакан вĕри шыв, тĕрлĕ тĕслĕ пĕветмелли сăрă кирлĕ.
1. Куккурус крахмалне сивĕ шывпа хутăштармалла.
2. Майĕпен вĕри шыв ямалла та лайăх пăтратмалла.
3. Шĕвек майĕпен çăралĕ, крем евĕр пулĕ.
4. Тĕрлĕ тĕслĕ сăрăпа тĕс кĕртмелле.
5. Сăрă шĕвĕрех пулсан куккурус крахмалĕ хушмалла.
6. Ку сăрăпа урайне сарнă хут татăкĕ çинче пÿрнесемпе ÿкерме юрать. Крем евĕрлĕскере тытма кăмăллă.
Ÿкерчĕк вăрах типĕ. Анчах типсен питĕ кăсăклă курăнĕ: хăш-пĕр пайĕ мăкăрăлса тăрĕ. Холодильникра упраннă сăрăпа иккĕмĕш хут усă курма юрать. Ăна шĕветмешкĕн кăшт ăшăтмалла çеç.
Татьяна ИВАНОВА хатĕрленĕ.

Автор:Татьяна Иванова
Читайте нас: