+26 °С
Пӗлӗтлӗ
Хăмла. Вăл лăпланма пулăшнине нумайăшĕ пĕлет. Çавăнпах минтере хăмла тултараççĕ.
Хризантема. Гормон шайĕ йĕркерен тухса ача çуратайман хĕрарăмсене халăх медицининче хризантемăпа сипленме сĕнеççĕ.
Хура хурлăхан. Унăн çулçи кăмăл-туйăма лайăхлатма пулăшать. Чун вырăнта мар-и? Хурлăхан çулçине шăрăшлăр.
Хаяр ути (трифоль). Вăл 35 çултан иртнĕ хĕрарăмсемшĕн усăллă.
Эвкалипт. Унăн шăрши сывлав çулĕсемшĕн паха. Тимьян, лиственница шăрши те ку енĕпе лайăх.
Пан улми. Унталла-кунталла чупнипе, хыпаланнипе ывăнсах çитрĕр-и? Пан улми çийĕр. Ăна çывăрмалли пÿлĕмре сĕтел çине те хурăр.
Татьяна ИВАНОВА хатĕрленĕ.