Шланлăри таврапĕлÿçе – Спиридон Яндуш медалĕ

Авăркас тăрăхĕнчи Шланлӑ ялӗнче шкул директорӗ, географи учителӗ пулса ӗҫленӗ, ял историйӗ ҫинчен виҫӗ кӗнеке çырса кăларнă Валериан Елисеевич Степанова тӑван тӑрӑха тӗпчес ӗҫре ҫитӗнӳ тунӑшӑн Спиридон Яндуш медалĕпе наградӑланӑ.

Медале Чӑваш наци ăслăлăхпа ÿнер академийӗн Президиумĕн хушăвĕпе килĕшÿллĕн çирĕплетнĕ. Тивĕçлĕ наградăна Ҫтерлӗри чӑваш наципе культура автономин тӑван тавралӑха тӗпчес енӗпе ӗҫлекен пайташĕ Мударист Сафин (сăн ÿкерчĕкре), Вячеслав Ерохин таврапĕлÿçĕ, вырӑнти шкул директорӗ Андрей Михайлович Алексеев тата çак йĕркесен авторĕ ҫитерчĕç.
Валериан Елисеевича сумлă наградăна тивĕçнĕ ятпа чун-чĕререн ӑшшӑн саламлатпӑр! Ҫирӗп сывлӑх, вӑрӑм ӗмӗр сунатпӑр!
Людмила МАРКИНА, Авăркас районĕ, Шланлă ялĕ.