Асра тытатпăр

Çĕр çуннă, ирĕлнĕ кирпĕч те танк -
Пире тăшман вĕт тĕп тумашкăн килнĕ.
Миллионшар ахаль çын та салтак
Кĕрешнĕ, парăнман, çĕнтернĕ, вилнĕ.
Эпир асра тытатпăр вĕсене -
Чуралăха аркатакансене.

Сахал халь юлнă ватă салтаксем.
Çĕре çити таяр пуç пархатарлă.
Çав вăрçăн тĕп историйĕ вĕсем -
Пире малаш та Çĕнтерÿ хăварнă.
Эсир, хăватлă паттăрсем, асра -
Пĕрле утатпăр Вилĕмсĕр полкра.
Василий АНТОНОВ.
Иглин районĕ.