Илья Иванович Власов

Илья Иванович Власов - манăн асатте, аслă сержант, танкист. Мияки районне кĕрекен Суккул ялĕнче çуралнă. Вăрçа вун ултă çул тултарсан хăй ирĕкĕпе тухса кайнă. Тăхăр çул Латви, Литва, Эстони, Венгри çĕршывĕсенче танк çарĕсенче службăра пулнă. Çапăçусенче паттăрлăхпа хăюлăх кăтартнăшăн тĕрлĕ наградăсене тивĕçнĕ. Вăрçă хыççăн тăван ялне таврăннă. Мĕн тивĕçлĕ канăва тухиччен Крупская ячĕллĕ хуçалăхра ветеринари врачĕ пулса ĕçленĕ.

Лариса КОРОТАЕВА, мăнукĕ.
Мияки районĕ.