Аннесен кунĕ тĕлне

Ноябрь уйăхĕн юлашки вырсарни кунĕнче Раççейре Анне кунне уявлаççĕ. Кăçал вăл ноябрь уйăхĕн 29-мĕшĕпе тÿр килет. Аннесене чыслама хăй уйрăм кун уйăрни питĕ те тĕрĕс. Ача çут тĕнчене килсенех чи малтан ăна хăй çумне амăшĕ пăчăртаса тытать. Ача çăварĕнчен тухакан чи пĕрремĕш сăмах та «анне». Çут тĕнчере аннерен хаклăраххи, çывăхраххи никам та çук. Кирек хăш анне те чи малтан хăй çинчен мар, ачи çинчен шухăшлать. Паян сире Давлекан районĕнчи Çĕнĕ Емпек шкулĕнче вĕренекен ачасем хăйсен амăшĕсене халалласа çырнă сочиненисемпе паллашма сĕнетпĕр. Пĕчĕкскерсем амăшĕсене ача куçĕпе хак парса çырнине вулама уйрăмах кăмăллă.