Медальсем хуçисем патне çитрĕç

Эпир вулакансене иртнĕ çулхи ноябрь уйăхĕн 16-мĕшĕнче Чăваш Республикин Пуçлăхĕ Олег Николаев хушăвĕпе килĕшÿллĕн Ĕпхÿри П.Миронов ячĕллĕ вырсарни шкулĕн директорне Иван Тарасова тата Пелепей районĕнчи чăвашсен наципе культура автономин ертÿçине Владимир Яковлева «Чăваш автономине 100 çул» юбилейлă медале пама йышăнни çинчен пĕлтернĕччĕ. Çĕнĕ çул умĕн çак наградăсем хуçисем патне çитрĕç.

Савăнăçлă лару-тăрура Иван Григорьевича çак сумлă медальпе Ĕпхÿ хулинче Пушкăртстанри чăвашсен Канашĕн пуçлăхĕ Людмила Мурманская чысланă пулсан, Владимир Матвеевич ăна Чăваш наци конгресĕн ĕçтăвком председателĕ Анатолий Ухтияров аллинчен (Шупашкарта ĕçлĕ командировкăра пулнă май) илме тивĕçнĕ. Асăннă наградăпа Пушкăртстанри тепĕр чăваш хастарне те чысланă. Ун çинчен хаçатăн иккĕмĕш страницинче вуласа пĕлме пултаратăр. Пурне те саламлатпăр.
Юрий СНЕГОПАД.

Читайте нас:

Телефон

8-347-86-4-12-78

Электронлă почта

[email protected]

Адрес

Республика Башкортостан, г. Белебей, ул. Мало Луговая, 53А

Реклама пайĕ

8-347-86-3-25-44

Редакци

8-347-86-4-22-81

Пĕрле ĕçлени

8-347-86-4-22-81

Кадрсен пайĕ

8-347-86-4-14-73