Çамрăк ăрушăн Кăшарнире шыва кĕни ÿт-пÿ эмелĕ çеç мар, чуна тасатни те

Вознесенский çветтуй çăлкуçĕ Ермеккей районĕнчи Эрехĕрри ялĕпе юнашар вырнаçнă. Кăшарни каçне кунта чылай çын пухăннă. Йăлана кĕнĕ тăрăх православи тĕнне ĕненекенсем çăлкуçран шыв илнĕ‚ ятарлă вакра шыва кĕнĕ. Мĕншĕн тесен çынсем çав каç сăвапланă шыв сиплĕ пулнине‚ тĕрлĕ чир-чĕртен хăтăлма пулăшнине ĕненеççĕ. Унсăр пуçне вакра шыва кĕрсе ÿт-пĕве кăна мар‚ чуна та тасатма пулать теççĕ.