«Эс ялан ăна упра, çут çанталăк вăл тупра»

Чăваш классикē Константин Иванов ҫапла ҫырнă: «Ҫакă ҫутă тēнчере вăйли ҫук та этемрен». Чăн та, хальхи этем хăйӗн аллинче ҫӗрпе космос вăйне тытса тăрать. Этем - ҫут ҫанталăк пепки, вăл пурăнма ҫуралнă. Мăн асаттесемпе асаннесем çын ҫут ҫанталăкран вăй-хăват илнине питӗ аван ăнланнă. Ҫут ҫанталăк этеме илем кӳрет, илеме туйма, илемлӗ пулма вӗрентет.