Асăну палăкĕ истори чăнлăхне аса илтерĕ

Иртнĕ çулхи кĕр кунĕсенче Мияки районĕнчи пысăках мар чăваш ялĕнче, Çирĕклĕре, Тăван çĕшывăн Аслă вăрçине хутшăннисене асра тытса палăк туса лартни çинчен эпир вулакансене «Урал сасси» хаçатăн 48-мĕш номерĕнче пĕлтернĕччĕ. Кăшăлвирус пандемине пула ăна палăртнă вăхăтра халăх пухса уçма май килмен. Акă, кăçалхи Аслă Çĕнтерÿ кунĕ умĕн кĕтнĕ кун çитнĕ - май уйăхĕн 7-мĕшĕнче асăну митингне йĕркеленĕ.