Явапсăр ашшĕ-амăшĕсене тÿлеттермелли штраф виçине ÿстернĕ

Раççейре юлашки вăхăтра ачисене воспитани панишĕн тата вĕсен ырлăх-пурлăхĕшĕн ашшĕ-амăшĕ яваплă пулни пирки сахал мар калаçаççĕ. Çак кунсенче Раççей Президенчĕ Владимир Путин Административлă право йĕркине пăсни çинчен калакан Кодекса улшăнусем кĕртессине алă пусса çирĕплетнĕ.

Вăл ачисене пăхса усрас тата воспитани парас тивĕçе кирлĕ пек пурнăçлайман ашшĕ-амăшсене штраф тÿлеттерессипе çыхăннă.
Çĕнетнĕ саккун статйи тăрăх, штраф виçи темиçе хут ÿснĕ. Маларах вăл 100 тенкĕрен пуçласа 500 тенкĕпе танлашнă пулсан, халĕ 500 тенкĕрен пуçласа 2 пин тенке çитнĕ.
Тĕрĕссипе каласан, асăннă штраф – ачасен прависене хÿтĕлес шутпа тунă утăм.

Автор: Надежда Родионова

Читайте нас