Урал шкулĕн артисчĕсем – республика конкурсĕн çĕнтерÿçисем

«Шкул авансцени» фестиваль икĕ тапхăртпа иртрĕ: суйлав тапхăрĕ (онлайн) тата финал (куçăн мелпе). Пĕрремĕш тапхăра 143 шкул театрĕ хутшăннă. Иккĕмĕш тапхăра вĕсенчен вуннăшĕ анчах лекнĕ. Çав шутра Федоровка районĕнчи Урал шкулĕн «Светлячок» театрĕ те пур. Вырăс чĕлхипе литература учителĕ Елена Николаева (вăлах çак йĕркесен авторĕ) ертсе пынипе ачасем сцена çине чăваш халăхне çутта кăлараканĕ И.Я. Яковлев педагог çуралнăранпа 175 çул çитнине халалласа лартнă «Сирĕншĕн чунтан пăшăрханатăп» спектакльпе сцена çине тухрĕç.
Республикăри чи лайăх шкул театрĕсене профессиллĕ жюри членĕсем хак пачĕç. Çав шутра РФ Театр деятелĕсен пĕрлĕхĕн пайташĕсем, професилле театрсен артисчĕсем пулчĕç.
Фестиваль вăхăтĕнче унта хутшăнакансем пĕр-пĕрин опычĕпе паллашрĕç, актер тата режиссер ăсталăхне вĕрентекен мастер-классене хутшăнчĕç, театрăн пултарулăх лабораторийĕсене çитсе курчĕç.
Конкурс-фестиваль пĕтĕмлетĕвĕсем тăрăх, Федоровка район коллективĕ иккĕмĕш вырăн çĕнсе илчĕ. Вĕсене ПР вĕрентÿ тата наука министерствин дипломĕпе тата «Чи лайăх костюм» номинаци дипломĕпе чысларĕç.
Елена НИКОЛАЕВА.
Федоровка районĕ, Урал ялĕ.