Пĕрлĕхре вăй

Ятарлă çар операцийĕ пуçланнăранпа ял çыннисем тата та ытларах пĕр тĕвве чăмăртанни сисĕнет. Вĕсем мобилизациленисем валли япаласем пуçтараççĕ, тĕрлĕ акцисене хутшăнаççĕ.

Акă хальхинче «Тус-тăван» (С.В. Юдина) тата «Мерчен» (В.Н. Семенова) чăваш халăх ансамблĕсем  вырăнти культура çуртĕнче концерт йĕркелесе куракансене хавхаланупа патриотла пĕрлĕх туйăмĕ парнелерĕç. Залра ăшă, пурне те пĕрлештерекен кăмăл-туйăм хуçаланчĕ.  Артистсем чуна пырса тивмелле юрăсем, çутă номерсем урлă салтаксене, мобилизацие лекнисене, ятарлă çар операцине хутшăннисене пулăшмаллине çирĕплетрĕç.

 - Паян чăн-чăн патриотизм мероприятине хутшăнса чĕрепе те, чунпа та вĕсемпе пулнине çирĕплетсе патăмăр. Уйрăмах мобилизацие лекнисене пулăшакансене тав тăвас килет. Сирĕн тивлетĕрпе салтаксем тăван кил ăшшине туяççĕ. Пĕрлĕхре – вăй, - терĕç вĕсем.      

Федоровка районĕ,
Урал ялĕ.