Совет саманинчен юлнă чăматан

Çтерлĕ районĕнчи Усăллă ялĕнчи вулавăшра вăй хуракан Ольга Патраева Чуртан ялĕнчи Олег Александровичпа Валентина Васильевна Патраевсен çемйине тав тăвать. Мăшăр библиотекăра вырнаçнă музей валли 1951 çулхи йывăç чăматан илсе килсе панă (миçе çул хушши вăл мачча тăрринче выртнă!).

Унта Тăван çĕршывăн Аслă вăрçине хутшăннă Кузьма Денисович Патраевăн архив докуменчĕсем сыхланса юлнă. Çав шутра колхоз справкисем (ун чухне колхоз «Коммунизм çулĕ» ятпа çÿренĕ), Хисеп тата Тав хучĕсем, Тăван çĕршывăн Аслă вăрçи вăхăтĕнчи наградăсене илнине çирĕплетекен документсем, 1962 çулхи лотерея билечĕсем тата ытти те пулнă.
Йывăç чăматансем Совет Союзĕ вăхăтĕнче анлă сарăлнă. Вĕсене юман е хурăн пек çирĕп йывăçсенчен тунă. Вĕсем классикăлла дизайнпа килĕшсе тăнă.
СССРти чи паллă йывăç чăматансенчен пĕри «Габионт» патшалăх предприятийĕ туса кăларни пулнă. Вăл хăйĕн çирĕплĕхĕпе тата унпа кирек хăçан та усă курма май пуррипе палăрса тăнă. Ăна меллĕ йăтса çÿреме хытӑ конструкципе сăран тыткăсем пулăшнă.
Паянхи кун СССРти йывăç чăматансем интереслĕ антиквариат шутланаççĕ. Вĕсене хăйне евĕрлĕ дизайн тата ăна алăпа туни коллекци пухмалли хаклă япалана çавăрать. Асăннă чăматансем СССР вăхăтне, историлле хаклăха сăнласа параççĕ.
Ирида НОВИКОВА.
Çтерлĕ районĕ, Усăллă ялĕ.