2024 çул тĕлне çыннăн вăтам пурнăç тăсăмĕ 78 çула çитмелле

- Тĕллев пĕрре - 2024 çул тĕлне çыннăн вăтам пурнăç тăсăмне 78 çула çитересси. Проекта сакăр пая пайланă: юн çаврăнăш, усал шыçă тата ытти чирсенчен вилекенсен шутне чакарасси. Унсăр пуçне «Тимлĕ поликлиника» проекта та малалла аталантарĕç. Çак проект шутне ача-пăча поликлиниксем те кĕреççĕ. Вĕсем пурте хăйсен техника базине пуянлатĕç, çавăн пекех тĕрлĕ медицина хатĕрĕсен паркĕ те çĕнелĕ – ренгенпа ультразвук пулĕ, - пĕлтернĕ Максим Забелин.

Ведомство ертÿçи Республикăри ача-пăча клиника больницине çĕнетесси, ача-пăча онкологийĕпе гемотологи уйрăмне хăпартасси пирки каласа панă.

- Радий Хабиров çак проекта хăй тĕрĕслесе тăрать. Сывлăх сыхлав министрĕпе Вероника Скворцовапа тачă çыхăнса ĕçлет. Планра – 2020-2021 çулсенче строительство ĕçĕсене пуçласси, - пĕлтернĕ министр.

Надежда РОДИОНОВА.