Пур хыпар та
Наци проекчĕ
8 Июлӗн 2019, 12:31

«Хĕрлĕ пролетари» АО халăха ĕçпе тивĕçтерĕ

«Ĕç тухăçлăхĕ тата халăха ĕçпе тивĕçтересси» наци проектне пурнăçа кĕртсе Пушкăртстан Республикинчи тепĕр предприятипе килĕштерсе ĕçлесси пирки килĕшÿ тунă. Килĕшĕве ПР Правительствин Премьер-министрĕн çумĕн тивĕçĕсене пурнăçлакан Раиф Абдрахимов тата «Хĕрлĕ пролетари» АО тĕп директорĕ Ильгиз Шарипов алă пусса çирĕплетнĕ.

«Хĕрлĕ пролетари» АО нефть промыслĕ тата промышленноçĕ валли тĕрлĕ хатĕр-хĕтĕрĕсене туса кăларать‚ вĕсене сервиспа‚ гарантипе тата гаранти хыççăн пăхса тăрассипе тивĕçтерет. Унсăр пуçне çак хатĕр-хĕтĕрсене, дизель двигателĕсемпе компрессорсене тĕпрен юсать. Предприяти наци проектне хутшăнсан ĕç процесне лайăхлатассипе çыхăннă проектсене пурнăçлама, ĕç тухăçлăхĕн шайĕнчи экспертсен методологи пулăшăвне илсе тăма пултарать. «Перекетлĕ ĕç” инструменчĕсене производствăна кĕртсен компанине укçа-тенкĕ енчен‚ Промышленноçа аталантаракан фондран 5 çула 1процентлă 50-300 млн тенкĕлĕх кивçен‚ пулăшу парĕç.
Çитменнине предприяти ĕçлекенсене вĕрентсе кăларма субсиди те илме пултарать.
Паянхи кун тĕлне ПР Правительстви çĕнетнĕ наци проекчĕн требованийĕсене пăхăнса республикăри 25 организаципе килĕшÿ тунă. Вĕсен хушшинче промышленность‚ ял хуçалăх‚ строительство тата индустри предприятийĕсем.
Ирида НОВИКОВА.