Çакна тĕпе хурса Пишпÿлек районĕнчи Тĕп библиотека «Чăвашла видео ÿкеретпĕр» çамрăк блогерсен студи проекчĕ шайĕнче «Чăвашла видео ÿкеретпĕр» республика конкурсĕ ирттересси пирки пĕлтерет.
Асăннă конкурса 7-18 çулхи ачасем хутшăнма пултараççĕ. Ÿсĕмне кура унта хутшăнакансене икĕ ушкăна уйăраççĕ: кĕçĕн (7-12 çулхисем) тата аслă (13-18 çулхисем). Ĕçсене уйрăм çынсенчен‚ хастар та пуçаруллă командăсенчен‚ çемьесенчен е çамрăксен ушкăнĕсенчен йышăнатпăр. Конкурс кăçалхи август уйăхĕн 3-31-мĕшĕсенче иртĕ.
Чăвашла ÿкернĕ видеосене (е видеоролик ссылкисене) йĕркелÿçĕсен электронлă почтипе [email protected] ярса памалла. «Куракансен парни» номинаци çĕнтерÿçине тупса палăртас тĕллевпе http://bizh-bibI.ru/index сайтра сасăлав иртĕ. Унсăр пуçне жюри членĕсем сентябрь уйăхĕнче икĕ ушкăнта 1‚ 2‚ 3-мĕш вырăнсене тивĕçнисене пĕлтерĕç.
Конкурс ĕçĕсене тĕрлĕ жанрпа тата стильпе (документаллă кино‚ юрă-кĕвĕ тĕрленчĕкĕ‚ интервью‚ репортаж тата ыт.те) ÿкерме май пур. Видеороликсен хронометражĕ 1-5 минут пулмалла. Вĕсем çак темăсенчен пĕрне уçса памалла: чăваш халăхĕн йăли-йĕркисем‚ кулленхи пурнăç‚ наци колоричĕ тата тĕрлĕ халăхсен пурнăç уйрăмлăхĕ‚ культура тата истори объекчĕсен пуянлăхĕ‚ паллă çынсем‚ ял-хуласен паллă вырăнĕсем тата ыт.те.
«Чăвашла видео ÿкеретпĕр» республика шайĕнче иртекен конкурса хутшăннисем тата çĕнтерÿçĕсем дипломсемпе ятарлă парнесене тивĕçĕç.
Конкурс положенийĕпе туллинрех http://bizh-bibI.ru/custom/item/85 сайтра паллашма пулĕ.
Наталья ТАРАСОВА,
ПР чăваш халăхĕпе ĕçлекен уйрăмăн заведующийĕ.
Пишпÿлек районĕ.