Томат ăшĕнчи хăярсем

Ку – тĕлĕнмелле тутлă салат. Ăна хатĕрлеме 2,5 кг хăяр, 1-2,5 кг помидор, 100 гр ыхра, 100 грамм сахăр (тăватă апат кашăк тÿпеми), 45 грамм шултра тăвар (1,5 кашăк тÿпеми), 1 апат кашăкĕ 70% уксус, 100 грамм ÿсен-тăран çăвĕ (ямасан та юрать) кирлĕ.

Хăяра çаврашка (1-2 см), помидорсене хăвăра кирлĕ пек касмалла е аш арманĕпе авăртмалла, ыхрана çаврашкасем туса турамалла. Каснă хăярсене, помидора салата пĕçерме палăртнă пысăк савăта ямалла, тăвар, сахăр хушмалла, 1 сехет тăратмалла. Çак хутăша вĕреме кĕртмелле те 10 минут пĕчĕк çулăм çинче пĕçермелле. Сÿнтериччен 1 минут маларах уксус хушмалла. Салата 0,5 литрлă кĕленче савăтсем çине вĕрилле тултармалла та тимĕр хупкăчпа хупмалла.
Надежда РОДИОНОВА.

Автор: Надежда Родионова

Читайте нас