Шăнасене хамăр алăпа тунă капкăнпа тытатпăр

Ăна хатĕрлеме пан улми уксусĕ, кĕленче савăт е стакан, апат-çимĕç пленки, хачă кирлĕ. Пĕр те пĕр савăт тĕпне 2-3 см уксус яратпăр та ăна апат-çимĕç пленкипе лайăх витетпĕр, айккисене шăтăк хăвармасăр çыпăçтаратпăр. Пленка варринче пысăках мар шăтăк тăватпăр. Капкăна чÿрече çине е çÿп-çап витри патне лартатпăр.
Уксус шăрши шăнасене илĕртет, вĕсем шăтăкран шала вĕçсе кĕреççĕ те каялла тухаймаççĕ. Шăна нумай пуçтарăнсан савăта ывăтма е шăнисене кăларса тăкма юрать.
Эфир çăвĕсем вара шăнасем пÿрте кĕресрен лайăх сыхлаççĕ. Лемонграсс, пĕтнĕк, эвкалипт тата лаванда шăршисем вĕсене хăратаççĕ.

Усă курмалли мелсем:
10-15 тумлам çăва шывпа хутăштармалла та пульверизаторпа пÿлĕме сапса тухмалла.
Аромадиффузорсемпе тата тутлă шăршăллă çуртасемпе усă курăр.
Шăршăллă çăва мамăк дисксемпе çитса татăкĕсем çине тумлатмалла та алăк е чÿрече çине хумалла.
Çак меслетсем питĕ витĕмлĕ пулнине, унсăр пуçне пÿлĕмре кăмăллă лару-тăру йĕркеленнине те каласа хăвармалла.
Надежда РОДИОНОВА хатĕрленĕ.