Чун туртни – физкультура учителĕ

Мероприятин сумлă хăнисен шутĕнче педагогика ĕçĕн ветеранĕсем Владимир Парфирьевичпа Зоя Васильевна Даниловсем пулнă. Пĕрремĕшĕ ялти шкулта çамрăк ăрăва чылай çул хушши физкультурăпа географи предметне вĕрентсе спорт енчен пиçĕхтернĕ пулсан, унăн мăшăрĕ ачасене вырăс чĕлхине ăша хывма тăрăшнă. Владимир Парфирьевич шкул директорĕн тивĕçĕсене те пурнăçланă.
Тĕлпулăва ытларах ачасем пухăннă. Апла пулин те ĕнерхи вĕрентекенсене вĕсемпе пĕр чĕлхе тупма йывăр пулман. Физкультура учителĕ хăйĕн профессийĕ, киленĕвĕ, çав вăхăтри вĕренекенсем çинчен каласа панă. Паллах, нумай çул хушши тăрăшса пухнă ĕç опычĕ çинче те чарăнса тăнă. Унсăр пуçне ачасене хăй вăхăтĕнче Владимир Данилов тĕрлĕ ăмăртусене хутшăнса çĕнсе илнĕ Хисеп хучĕсемпе Дипломсене алла илсе тытса пăхма та кăсăк пулнă. Вĕсене сумлă хăна ятарласа илсе килнĕ.
Юрий СНЕГОПАД.
Çтерлĕ районĕ, Усăллă ялĕ.