Федор Васильевич КУЗЬМИН

Федор Васильевича çак паллă дата ячĕпе чун-чӗререн тухакан чи ырӑ та ӑшӑ сӑмахсемпе саламлатпӑр. Пурнăçра икĕ пиллĕк паллă илни - çамрăклăхран вăй питти вăхăта куçнă самант кăна-ха. Иртнине пăхсассăн мĕн чухлĕ ĕмĕтленни, пурнăçа кĕртни, ача-пăча ÿстерни, ăшă йăва çавăрни… Малашлăхра çĕнĕрен те çĕнĕ ăнăçу, савăнса пурăнасси, юратнă çынсен, туссен пархатарĕ, телейлĕ пурнăç…Уйăх пек çутă кун-çул, çурхи хĕвел пек ырă кăмăл, юхан шыв пек вăрăм ĕмĕр, кĕр кунĕ пек пуянлăх, çăлкуç пек тапса тăракан вăй-хал, чăваш юманĕ пек çирĕп сывлăх, телей те ăнăçу сунатпăр. Ĕмĕтленнĕ ĕмĕтÿсем пурнăçланса пыччăр. Утас çулу яланах такăр та уçăмлă пултăр.

Пирěн туслăх пытăр ěмěре,

Пурăнар-ха виличчен пěрле.

Эсě - пирěн çывăх тус-юлташ,

Малта кěтсе тăтăр ыр малаш.

Вăхăт урхамахě чуптăр малалла,

Эс те такăнмасăр такăрлат çула.

Тěллеве çитмесěр ан тăр чарăнса,

Çěр çулччен пурăнсам эсě ыр курса.

Ăшă салампа - Пушкӑртстанри чӑвашсен наципе культура пӗрлешӗвӗ, Ҫтерлӗ хулинчи чӑваш наципе культура автономийӗ, «Сарпи» профессиллӗ ансамбль.