Петр Христофоровичпа Любовь Ивановна ГОЛОВИНСЕМ

Юратнă аттепе анне! Пире кун-çул парнелесе тĕрĕс-тĕкел пăхса ÿстернĕшĕн, ăс панăшăн çĕре çити пуç таятпăр. Сывлăхăр юман пек çирĕп, утас çулăр вăрăм пултăр, чĕрĕрсем çурхи кун пек юрлаччăр, куçăрсем телейпе çиçчĕр!
Сирĕн пурнăç - пирĕншĕн ыр тĕслĕх,
Юрататпăр чĕререн сире.
Çут мерчен пек кĕмĕл тĕслĕ
Çÿçĕрсем çинче выртать тĕтре.
Кил тĕрекĕ - атте, чун тĕрекĕ - анне,
Йышăнсамăр тăван ачăрсен саламне.
Сиртен хаклă çынсем урăх çук тĕнчере,
Сирĕн çутă сăнарăр ялан чĕрере.
Ăшă салампа - икĕ ывăлĕпе кинĕсем, икĕ хĕрĕпе кĕрÿшĕсем, мăнукĕсем, мăнукĕсен ачисем.