Георгий Захарович ОРЛОВ

Эсир пурришĕн эпир савăнатпăр. Çак çула çитсе пухнă ăс-тăна пирĕнпе пĕрле пайланăшăн, пурнăçа вĕрентнĕшĕн сире чунтан тав тăватпăр. Эсир пуçарнă ĕç – чăваш халăхне пĕр чăмăра пухса пысăк ĕçсем тума хавхалантарни темрен те хаклă. Хисеплĕ, Георгий Захарович, сирĕн умăрта пуç таятпăр. Эсир пуçарнă ĕçе сÿнтермесĕр, сирĕн сăмахăрсемпе вĕрентнине ăша хывса малалла талпăнăпăр. Сывлăхăр чул пек çирĕп, утас çулăр тумхахсăр пултăр, чун-чĕрĕр яланах çурхи хĕвел пек юрлатăр.
Нумай ырлăх сунатпăр,
Вăрăм ĕмĕр пиллетпĕр.
Вăй-халăр пултăр иксĕлми.
Утсамăр пурнăç çулĕпе пĕр такăнми.
Салампа – Пушкăртстанри чăвашсен наципе культура пĕрлешĕвĕ, Çтерлĕри чăваш наципе культура автономийĕ.