Раççей шайĕнчи ăмăртура мала тухнă

Тупăшу питĕ хĕрÿ иртнĕ. Проекта пĕтĕм çĕршывран 1300 коллектив хутшăннă. Иккĕмĕш тура – 634 ушкăн, финала – 222 команда, виççĕмĕш тапхăра 97 ушкăн тухнă.
Конкурса июнь уйăхĕн 18-мĕшĕнче пĕтĕмлетнĕ. Унта Урал шкулĕнчи «Светлячок» çĕнтерни паллă пулнă. Шкул театрне тĕрлĕ ÿсĕмри ачасем çÿреççĕ. Финалта профессиллĕ жюри членĕсем блокадăри Ленинград ачисем пирки лартнă спектакле хак панă.
– Хамăрăн çамрăк актерсен пултарулăхĕпе тата çăмăл мар ĕçĕпе, тăрăшулăхĕпе савăнатпăр. Çак çитĕнÿ пире çунат хушать, малалла ĕçлеме хавхалантарать, – тет пултарулăх ушкăнĕн ертÿçи Елена Николаева.
Надежда АЛЕКСЕЕВА.
Федоровка районĕ, Урал ялĕ.