Галина Степановна УМОВА

Пирĕн юратнă çыннăмăр – анне, кукамай-асанне, мӑн асанне-кукамай, аслă тата хаклӑ аппа – санӑн чаплă 75 ҫулхи юбилей кунĕ килсе çитрĕ. Паллă пулăмпа саламлама çемьери темиçе ăру пухăнчĕ. Эсӗ – пирӗн тӗп мул, тăван кил тата чун-чĕре ăшши. Хаклă çыннăмăр, эсĕ пире кашнине хăвăн ăшшуна чун-чĕререн паратăн, пĕр-пĕрне юратма, каçарма тата упрама вĕрентетĕн. Санри ăс-тăн пуянлăхĕ ачасене тĕрĕс çул суйласа илме пулăшать, тимлĕхÿ мăнуксен чĕрисене ăшăтать, йăл-куллу кĕçĕн мăнуксене савăнтарать, чĕрÿн пĕр кĕтесĕнчи ачалăха аса илтерекен самантсем йăмăкусен чĕрисене ăшăтаççĕ. Шăпах сан çинче пирĕн пĕтĕм çемье тытăнса тăрать.

Çак паллă кун эпир сана нумай-нумай ҫул пурнăç çулĕпе утма ҫирӗп сывлӑх, чун-чӗре лӑпкӑлӑхӗ сунатпӑр. Хуйхӑ-суйхӑ санран пăрăнса ирттĕр, кил-ҫуртра вара яланах ачасемпе мӑнуксен кулли илтĕнтĕр. Эпир сана питĕ юрататпӑр, хаклатпӑр, яланах санӑн шанчӑклӑ тӗрекÿ пулма сӑмах паратпӑр.

Чунтан юратса – мăшăрĕ, хĕрĕсемпе ывăлĕ, кĕрÿшĕсемпе кинĕсем, 9 мăнукĕпе 7 кĕçĕн мăнукĕ, Люба тата Лариса йăмăкĕсем.