Теннис выляма правурлăх кирлĕ

Турнир Раççейри сĕтел çинче вылямалли Теннис федерацийĕ йышăннă йĕркесене пăхăнса иртнĕ. Тĕлпулу 3 сетран (вăйăран) тăнă. Тупăшу болельщиксене‚ хăнасене тата спортсменсене çивĕч кĕрешÿпе‚ хĕрÿ лару-тăрупа илĕртнĕ. Очкосен хисепне шута илсе çĕнтерÿçĕсене палăртнă.

Хĕр ачасем хушшинче:

I вырăн – Диана Григорьева‚ 10 класс‚ Мăйлăпукан шкулĕ;

II вырăн – Диана Алексеева‚ 6 класс‚ Треппелти пĕтĕмĕшле пĕлÿ паракан шкул;

III вырăн – Анастасия Сергеева‚ 7 класс‚ Мăйлăпукан шкулĕ.

Арçын ачасем хушшинче:

I вырăн – Даниил Сидоров‚ Толбазăри 2№ шкул вĕренекенĕ;

II вырăн – Владимир Виноградов‚ 7 класс‚ Треппелти пĕтĕмĕшле пĕлÿ паракан шкул;

III вырăн – Данил Федоров‚ 7 класс‚ Треппелти пĕтĕмĕшле пĕлÿ паракан шкул.

Çĕнтерÿçĕсене Хисеп хучĕсем‚ кубоксемпе медальсем парса чысланă. Треппелти ял хутлăх администрацийĕн пуçлăхне Ирина Захарована‚ Мăйлăпуканти вăтам пĕлÿ паракан шкулăн филиалĕн Треппелти пĕтĕмĕшле пĕлÿ паракан шкул заведующине Ирина Трофимована тата физкультура урокĕсене ертсе пыракан В.Н.Никифорова ПР Раççейри ветерансен союзĕн комитечĕ ятĕнчен çамрăксене патриотла воспитани парса ÿстернишĕн Хисеп хучĕсем парса саламланă. Сăмах май, çÿлерех асăннă юлташсем вăл е ку мероприятие йĕркеленĕ чухне яланах пулăшма хатĕр. Йĕркелÿ ĕçĕнче нихăçан та чăрмавсем сиксе тухмаççĕ.

Турнир çĕнтерÿçисемпе ăна йĕркелекенсене чыслама А.Г.Николаев ячĕллĕ ветерансен союзĕ спонсорла пулăшу кÿнĕ.

Мăйлăпуканти вăтам пĕлÿ паракан шкулăн Треппелĕнчи филиалĕн администрацийĕ А.Г.Николаев ячĕллĕ ветерансен союзĕн Çтерлĕри уйрăмне ăмăртăва йĕркелеме пулăшнăшăн тав сăмахĕ калать.

Марина ГРИГОРЬЕВА.

Авăркас районĕ.