Аграри университечĕн студенчĕ квадроцикл выляса илнĕ

- Иштеряково ялĕнче атте-аннепе пĕрле суйлава кайрăм. Эпӗ яваплă гражданин, яланах çĕршывшăн пĕлтерĕшлĕ мероприятисене хутшăнатăп. Мана шăнкăравласа парне выляса илни çинчен пĕлтерсен, эпĕ ĕненмерĕм. Чăннипе каласан, усал шухăшлă çынсем шăнкăравлаççĕ тесе шутларăм. Аттепе анне те малтан шанмарĕç, - тенĕ 20 çулхи студент.

Радмир квадроцикл выляса илнĕшĕн питĕ хавас.

 - Техника хуçалăхра кирлĕ пулĕ, - тесе хушса хунă çамрăк каччă.

Радмирăн водитель прави пур ĕнтĕ, çавăнпа вăл парнепе çывăх вăхăтра усă курма пултарĕ. Çамрăк çын университетра инженера вĕреннисĕр пуçне Ĕпхÿре водитель пулса ĕçлеме те ĕлкĕрет.