Хисеплĕ туссем, хаклă ентешсем!

Пĕрремĕш пайне – «Наци кăларăмĕсен малашлăхĕ» темăпа çавра сĕтеле – Пелепей хулинчи чăваш гимназинче (Восточная урам, 69-мĕш çурт) 11.00 сехетре йĕркелетпĕр. Унта хаçатăн штатра тăман корреспонденчĕсем, ăна халăх хушшинче сарассишĕн тăрăшакан пĕр шухăшлă туссем хутшăнаççĕ.
Савăнăçлă юбилей каçĕ çак кунах Пелепей хулинчи «Урал-Батыр» наци культурисен центрĕнче (Горохов урамĕ, 28-мĕш çурт) 16.00 сехетре пуçланать. Уяв кĕрекине Шупашкарпа Хусантан, Чĕмпĕрпе Эрĕнпур хулисенчен килнĕ тата хамăр республикăри хăнасем, республикăри пултарулăх ушкăнĕсем, Çтерлĕри «Сарпи» профессиллĕ юрă-ташă ушкăнĕ илем кÿрĕ. Пурне те хапăл туса кĕтетпĕр!
«Урал сасси» хаçат редакцийĕ.