Аякра пулсан та – пирĕншĕн çывăх

Чӑннипех те шанчӑклӑ, чуна ҫывӑх тус пекех пирӗншӗн «Урал сасси». Паллах, ку пӗтӗмпех редакци коллективӗнчен килет. 35 ҫул тӗп редакторта вӑй хуракан Ю.Н. Михайлова ҫӗре ҫити пуҫ тайса Тав сӑмахӗ калас килет. Юрий Николаевич чӑн-чӑн опытлӑ дипломат пек ҫак лава ӳркенмесӗр туртать те туртать... Йывӑрлӑхӗсене хӑй ҫеҫ пӗлет, вӗсене вӑл нихӑҫан та, никама та кӑтартмасть. Виҫӗ теҫетке ҫул ытла пӗр лава улшӑнмасӑр туртакан журналист, паллах, ӑшӑ сӑмаха ҫеҫ тивӗҫлӗ.
Редакци туслӑ йышне хаҫатӑн черетлӗ паллӑ кунӗ ячӗпе ӑшшӑн саламлатпӑр, пултарулӑх ҫулӗнче утӑм хыҫҫӑн утӑм сунатпӑр. Кашни тӗлпулу сирӗнпе пирӗншӗн уяв пекех. Аякра пулсан та эсир чӑвашлӑхшӑн тӑвакан ырӑ ӗҫсене эпир яланах туйсах тӑратпӑр. Пушкӑрт ҫӗрӗ, «Урал сасси» пире яланах хавхалану кӳрет.
Анатолий ПАВЛОВ отставкӑри
полковникпа Альбина СТЕПАНОВА (ПАВЛОВА) Раҫҫей Журналисчӗсен союзӗн членӗ. Мускав хули.