Хисеплĕ Юрий Николаевич тата «Урал сасси» хаçатăн пултаруллă ĕçченĕсем!

Паянхи кун Пушкăртстан Республикинче те, унăн тулашĕнче те Сире тата пирĕн юратнă хаçатăмăра пĕлмен чăваш та çук пулĕ. Халăхăн пуян ăс-тăнĕпе, авалхи йăли-йĕркипе, культурипе тата историпе çыхăннă пĕлĕве тарăнлатас, анлă сарас, упраса хăварас тĕлĕшпе «Урал сасси» чылай çул ырми-канми тăрăшать. Вăл кунти чăвашсемшĕн атте-анне чĕлхипе киленсе вулама май туса панипе, халăхăн яланхи пурнăçĕпе, ĕçĕ-хĕлĕпе паллаштарнипе пысăк пĕлтерĕшлĕ. Хаçатăмăр республикăра пурăнакан чăвашсемшĕн тавракурăма аталантаракан, хавхалантаракан информаципе çут ĕç çăлкуçĕ пулса тăчĕ. Сире пурсăра та малашне те çĕнĕ пуçарусемпе çитĕнÿсем тума çирĕп сывлăх, ырлăх, телей, ăнăçу тата вăрăм кун-çул сунатпăр.
Ирина СУХАРЕВА, Пушкăртстанри чăваш халăхĕн чĕлхипе йăли-йĕркине аталантаракан тата сыхлакан «Канаш» регионти общество организацийĕн ертÿçи.