Хаклă йăхташăмăрсем!

Сире «Урал сасси» обществăпа политика хаçачĕ тухма тытăннăранпа 35 çул çитнĕ ятпа саламлатăп! Çак хисеп – нумай та мар, сахал та мар. Çапах çак вăхăтра эсир, Чăваш Енрен аякра пурăнатăр пулсан та, тăван халăхшăн мĕн чухлĕ ырă ĕç турăр.«Урал сасси» хаçат Пушкăртстанри обществăпа политика лару-тăрăвне çеç мар, регионти чăвашсен пурнăçне те çутатать. Республикăра пурăнакан мĕн пур чăваша пĕрлештерсе тăрать вăл, паянхи кунпа тан утма май парать. Çавăн пекех тăван чĕлхене упрас, халăх хушшинче сарас, çитĕнекен ăрăва тăван халăх культурине юратма хăнăхтарас тивĕçе те пурнăçлать. Кăларăмра çавăн пекех «Шуратăл» литература пĕрлешĕвне хутшăнакансен хайлавĕсем пичетленнине палăртма кăмăллă. Чăваш сăмахĕ пушкăрт çĕрĕ çинче те ирĕклĕн янăрани савăнтарать.

Эпир, чăвашсем, кирек ăçта пурăнсан та пĕрлех. Çак çыхăнăва туйса тăни пире вăй парать, пысăк ĕçсем тума хавхалантарать. Раççей çунатти айĕнче тĕрлĕ халăхпа юнашар пурăнса пĕр-пĕрне хисеплеме, йывăрлăхра пулăшма, пĕр-пĕриншĕн тĕрев пулма, пĕр тĕллевсене пурнăçлама тахçанах хăнăхса çитнĕ ĕнтĕ. «Урал сасси» хаçат та çак пĕрлĕхе туйса ĕçлет. Кăларăмпа интернетра та паллашма май пурри вара хаçат хăйĕн умне лартнă тĕллевсене вăйлатать çеç.
«Урал сасси» никĕсленнĕренпе 35 çул çитнĕ ятпа тепĕр хут саламлатпăр сире, йăхташсем! Вулакансен йышĕ ÿссех пытăр!
Олег НИКОЛАЕВ, Чăваш Республикин Пуçлăхĕ.

Автор:Татьяна Иванова

Читайте нас:

Новости партнеров

Электрон тәмәке тартыусылар иғтибарына!

Башкирская шаль стала официальным брендом Зианчуринского района Башкирии

Дүртөйле районы башлыгы МХО яугирләреннән сәлам җиткерде

Телефон

8-347-86-4-12-78

Электронлă почта

[email protected]

Адрес

Республика Башкортостан, г. Белебей, ул. Мало Луговая, 53А