Хисеплĕ туссем!

Сумлă та тава тивĕçлĕ кăларăмсенчен пĕри пулнă май «Урал сасси» тăван чĕлхене, культурăпа чăваш халăх йăли-йĕркине упрас тата аталантарас, халăхсем хушшинчи туслăха çирĕплетес ĕçе пысăк тÿпе хывать, республикăри пурнăçа тĕрĕс çутатса парать.
«Урал сасси» «Прессăн ылтăн фончĕ – 2012» палла, Чăваш таврапĕлÿçисен Никита Бичурин ячĕллĕ премине, Н.В. Никольскин I степень орденне тивĕçни хаçат ĕçченĕсен профессионализмне çирĕплетекен çутă тĕслĕхĕсем шутланаççĕ.
«Урал сассин» интернет версине йĕркелени хаçата республикăпа çĕршывра çеç мар, чикĕ леш енче пурăнакансене те вулама май парать. Тĕрĕссипе, хаçат чăваш чĕлхипе тухакан Пĕтĕм Раççейри кăларăм пулса тăчĕ.
Хаçатăн туслă коллективне пĕтĕм чунтан тав тăватăп. Пысăк ăсталăхшăн, патриотизмшăн, информацие тĕрĕс çутатса панăшăн, ĕç çине пултаруллă пăхнăшăн пысăк тав.
Сире çĕнĕ çитĕнÿсем, çирĕп сывлăх, тăнăçлăх, чи ыррине сунатăп!
Азат БАДРАНОВ, ПР Пуçлăхĕн
администраци ертÿçин тивĕçĕсене пурнăçлакан.