Çтерлĕре пукане чĕркерĕç

Мероприятие ППУн Çтерлĕри филиалĕн чăваш уйрăмĕнче вĕренекен Венера Васильевапа 6№ вулав çурчĕн заведующийĕ Валентина Зорина ертсе пычĕç. Вĕсем тăрăшнипе уяв каçĕ питĕ кăмăллă иртрĕ.

Пуçтарăннисем хăйсен амăшĕсем çинчен чӗрене пырса тивмелле ăшă сăмахсем каларӗç, анне çинчен сăвăсем вуларĕç, юрăсем юрласа савăнтарчĕç. Ăмăртса вылямалли вăйă та пулчĕ. Ача амăшĕсене пукане чĕркеме сĕнчĕç. Конкурсра ултă ача çуратса ÿстернĕ В.Д.Федорова мала тухрĕ. Вăхăчĕ самаях иртнĕ пулсан та алă хăй пурнăçланă ĕçе манмасть иккен.

Валентина ЗОРИНА,

Çтерлĕ хулинчи 6№ вулавăшăн ертÿçи.