С.Т. Аксаков çуралнă тăрăхра Раççей Геройĕ хăнара пулнă

Уяв мероприятийĕсем Ĕпхÿ хулинче, Ĕпхÿ, Кармаскалă, Давлекан тата Пелепей районĕсенче иртрĕç. Кăçалхи Аксаков уявĕ Мускавран Раççей Геройĕ, легендарлă летчик, Раççейри чăвашсен наципе культура автономийĕн ертÿçи Николай Гаврилов генерал-лейтенант килсе кайнипе асра юлчĕ. Ĕçлĕ çул çÿревре пулнă май Николай Федорович Федераци чăваш автономийĕн пайташĕпе, Пелепей хулинчи чăвашсен наципе культура автономийĕн председателĕпе Владимир Яковлевпа тĕл пулса чăвашлăхпа çыхăннă ыйтусене сÿтсе явнă.
Çавăн пекех Николай Федорович Пелепей тăрăхĕнчи С.Т. Аксаков çуралнă вырăнсене те çитсе курнă. Н.Гаврилов генерала Пелепей тăрăхĕнчи чăвашсем çăкăр-тăварпа кĕтсе илнĕ.
Надежда РОДИОНОВА.