Олимпиада кăтартăвĕсем савăнтараççĕ

Пĕлĕве тĕрĕслемелли мероприятие Кармаскалă районĕнчи Йăмранти шкултан (Кармаскалăри гимнази филиалĕ) 9 вĕренекен хутшăннă. Вĕсенчен улттăшĕ – Светлана Герасимова (5 кл.), Елена Макарова (8 кл.), Анастасия Мещерякова (8 кл.), Татьяна Дмитриева (9 кл.), Рената Иванова (9 кл.), Роман Городничев (9 кл.) – пĕрремĕш вырăна тухнă. Çавăн пекех виçĕ вĕренекен – Матвей Васильев (6 кл.), Давид Кузьмин (7 кл.), Милена Семенова (9 кл.) – иккĕмĕшсем пулнă.
Паллах, кунта тăван чĕлхепе литературăна вĕрентекен Татьяна Козлован тÿпи пысăк пулнине палăртмалла. Татьяна Николаевна чăваш чунлă, тăван чĕлхене кăмăлтан ăша хывакан вĕренекенсем çитĕнтерессишĕн чылай ĕçлет. Çавăнпа та вĕренекенсене те, вĕрентекене те çитĕнÿ тунă ятпа саламлатпăр, малашнехи кăтартусем тата та лайăхрах пуласса шанатпăр.
Юрий СНЕГОПАД.
Кармаскалă районĕ, Йăмран ялĕ.