Интерактивлă лазерлă тиршăн йышлăн сасăларĕç

Программа условийĕсемпе килĕшÿллĕн шкул ачисен пуçарăвĕсене пурнăçа кĕртме пĕр шкула патшалăх хыснинчен 500 пин, муниципалитетран 50 пин тенкĕ уйăрса параççĕ. Спонсорсенчен – 100 пин тенкĕ.
Пурнăçламалли проекта палăртас сăлтавпа 5-11 классенче вĕренекенсем чи пысăк пÿлĕме пуçтарăнчĕç. Пилĕк тĕрлĕ ĕмĕт пирки калаçрĕç аслă класс вĕренекенĕсем. Чи йышлă алăсем 10-мĕш класс хатĕрленĕ «Интерактивлă лазерлă тир» ятлă проектшăн çĕкленчĕç.
Пуху вăхăтĕнчех ачасемпе вĕрентекенсем проект пурнăçа кĕнине тимлесе тăракан пуçаруллă ушкăна суйларĕç.
Маргарита БОГАЧЕНКО, Бекетово шкулĕн вĕрентекенĕ.
Кармаскалă районĕ.