Анне

Парнелет хăй ăшшине,
Савăнса тапать чĕре.

Кил ăшши пирĕн анне,
Тирпейпе илем килте.
Канаш парать аттене,
Аннене итлет атте.

Анне пирĕншĕн телей,
Вăл пурри - çутă тивлет.
Яланах анне пĕрле,
Ăнланать пире, шеллет.

Кил ăшши, кил вучахĕ анне,
Çемьене ырлăх вăл кÿрет.
Шеллемест вăй-халне те ăсне,
Пирĕншĕн тăрăшать, ÿркенмест.

Килĕм-çуртăм тирпейлĕ, таса,
Анне пур-тĕк кил вучахĕ сÿнмест.
Аненне чĕререн мухтаса,
Тав сăмахĕ калассăм килет.

Николай ЕЛЛИН.  Чăваш Ен.