Манӑн юратнă хаçат 35 ҫул тултарнă

Мӗншӗн-ши шурӑ хурӑн
Хăйĕн тӗсне ҫухатнӑ?
Манӑн юратнă хаçат
Авторитетне тупнă.

Чи юратни, чи хакли
Маншӑн-ҫке анне чӗлхи.
"Урал сассине" юратап
Эп ӑна ялан ҫырӑнап.

Манӑн юратнă хаçат
Вӑтӑр пилӗк ҫул тултарнă...
Пире хаçат вӗрентет -
Нихӑҫан ан манӑр тет:
Чӑваш халӑх историне,
Вӗсен йӑли-йĕркине,
Чĕлхене юратмаллине,
Чӑвашла калаҫмаллине,
Туслă пурӑнмаллине...

Кашни ҫынах хаçатран
Кирлӗ явап тупнăран
Пурăнать хаçат, кун курать,
Чӑвашсене савӑнтарать.
Нина Федорова.

Авăркас районĕ,  Толбазă ялĕ.