Телей тĕсĕ

Телей тĕсĕ

Нумай вуларӑм, ҫыртӑм пулӗ,
Тӗнче тӗпчерӗм тӑрӑшса.
Ҫӑмӑлах мар шыравҫӑн ҫулӗ,
Сив тар тухать час-час тапса!

Пӗр илӗртет сип-симӗс улӑх!
Куҫне хӗсет сенкер пӗве,
Кӑчӑк туртать сап-сарӑ уйӑх,
Пушхирсенче ула тӗвве!

Шыратӑп, тусӑмсем, шыратӑп
Телейӗн Уҫлӑхри тӗсне!
Шанатӑп, тӑвансем, шанатӑп:
Тухатӑпах шырав вӗҫне!!!

Тӑванӑмсем, эсир пӗлетӗр,
Телейӗн тӗсӗ мӗнлине?!!!
Пӗлсен часрах-халех систерӗр.
Унта вӗҫтерӗп ирхине...
Анатолий АБРАМОВ.
Шупашкар хули.